Beste Meulewiekers en Meulewiekinnekes

Waat waas ut en schonne boorebrulluft op deensdaag 25 fibberwari ! Moeier aas det Wouter en Ellen ut zelluf verwoorde in eur blog (kiëk doarvur op “Blog Boorebroedspaar”), kinne weej ut ni umschrieve. Waat en prachtig fiës, boorebroedspaar en booregezelschap !!

 

Zondaag 1-3-2020 Balgooien

     

 

Nà en geweldig verloevingsfiëst gaon weej ôs òpmáke vur de brulluft.

We hebbe nag wál en paar daag d’n tiët vurdát ’t zô wiet is, ma ge wet wàl, dit brengt toch de nuudige stress met zich meij. Zeej hebbe ál dugtig geoefend wát betreft de tekst die ze met de brulluft kunnen en mooge gaon vertelle. En d’r is wer ván álles gebeurt in de Miëterik. Gelukkig hebbe weej enne pestoer vur en schappelik prieske kunne strikke, deen ’t jonge stel met de brulluft in ’t onecht wil trouwe. Enne man deen en geduchte òpleiding in pruuse achter de rug haet, heej is wál zien haor kwiët, ma ni zien streek.De twie oma’s die zich nag is duchtig hebbe òpgedoft vur dit fiëst en en neej fleske 4711 odeklonje hebbe a geschaft, want lekker ruuke dát doon ze nag gaer. Ok wál en bitje tegge de zwiët. En de elders tja wát kunde dao ván zegge, zeej ware ‘t d’r wàl meij ens, dát Wouter en Ellen gingen trouwe, zeej hebbe dán ok gèn moment getwiefelt, en volmondig i gestemt met de brulluft.

’T Oetzeuke ván de klier waas vur sommige elders aoverigs wál en hiël gebreure, ma goot met ’t nuudige gedult is álles toch goot gekoome.

En ’t jonge stel zelf, nauw ja, toen ze gevracht woorte, waas hun antwaort , die kâns kriede ma aens en die mótte da met twië hand a griepe. En Wouter ozze romantikes, nauw ja, romantikes, heej haij ’t deen aovend ‘t bed vurdát zien megje toes kwaom, leuk versiert met beschuut knofloek en wát slaat. En wát zeej daonao nag gedaon hebbe?????

Aal met aal, gaon weej d’r wer en geweldig fiëst ván maake òp carnavals deensdág.

 

Beej deze waere jullie dán ok àllemaol oêtgenuüjd um met òs dees trouwereej meij te viere. Tot dá.

 

’t BB comité

 

 

Hallo Meulewiekers en Meulewiekinnekes

Wát waas ’t schon wa, ’t hiële oetkoome stông in ’t teiken ván oonder water.

We begôste met ’t filmke,  laeve oonderwater, met de zwoele i gespraoke  teks, ván Sjaak ván d’n Bekker, oftewàl Sjaak Tacken. Dao nao waord op en hielariese mànneer iën vur iën de minse ván ’t gezelschap oet ’t water gevist. De beide vissers hebbe daovur hiël wát maeters naeve de baek motte àfstruupe. Van veur Amaerika, tot bijna in Hôrs, gelukkig koste ze nog net op de grens van de Miëterik ’t broedspaar aan d’n hôk slaon.

 

Maar ’t ware ni áliën kleine viskes die in ’t water roond zwomme, ’t bárste d’r ván de Hay-en.

Man ze ware ni weg te slaon oet ’t water, tot ozze pestoer efkes woij kiëke, of dát d’r ok en vrouwke beej zaot. En in enne mum ván tiët ware ze weg.

 

Heernao kôs ’t visse wer wier gaon en kon ’t broedspaar bekent waere gemákt. En zoeas aaltiët waar de broedegom wer is enne kier te laat. Daona kôs ’t fiest beginne en waas ’t begin gemákt vur straks de brulluft. En kôs iederien met en geweldig goot geveul, terug kiëke òp en geslaagd oêtkoome van ’t boore gezelschap.