Meulewiekers en Meulewiekinnekes, normaal beginne we ozze proklamasie standaard utzelfde mit… afgeloëpe jaor waas waer en fantastisch jaor. Már dit jaor hebbe we nao ál die jaore toch ós brein mótte laote waerke en kóste we ni kopiere, plekke. We zîen blie dát we nao twië jaor d’r same waer un normaal carnavalsseizoen ván kunne make. En heer vánaovend wer eindeluk enne ni-je prîns moge gaon oêtrope.
Ok dit jaor is ut de preensekommissie waer gelukt um enne enthousiaste, gemotiveerde prîns te vinge. Dit jaor zal heej, net zoals ândere jaore óndersteund waere dór twië adjudante en meschien wál en prinses.
Tiedes de proklamasie zulle ni alliën de elluf punte genumd weare, már zal ok ózze neeje prîns in ut thema ván dit jaor waere onthuld. Weej zulle jullie neet langer in spanning halde en beginne mit ut veurlaeze ván de proklamasie.
Ten iërste: Dát deze prîns vol energie zit en sinds november ál nimmer kán wachte. Heej stiët te popele um de gânse Miëterik óp zien kop te zette.
Ten twedde: Dát deze prîns álle brouwereeje in Nederland kán âfgaon um en lekker pilske te drînke.
Már dit jaor zeker in de Mieterikse brouwereej in de zaal.
Ten derde: Dát deze prîns ut carnavalsblood dór zien adere haet stroëme is wál te zeen án zien polonaisekarriere beej de Raod.
Ten verde: Dát deze prîns genne vrèmde is vur de jeugdige Meulewiekers en ok eur enne schitterende carnaval zal bezörge.
Ten viefde: Dát deze prîns ál vánaf jonge laeftiëd actief is beej de voetbalclub en daonao óp zóndág beej Ger te vinge is um enne goudgaele rakker te nuttige.
Ten zesde: Dát deze prîns zien caente ál án ut verdene is mit en vâste baan.
Ten zuvvende: Dát deze prîns gaer voetbal kiekt beej zien roëd-witte liefde. Of dit nou in Amsterdam, Rotterdam of Eindhoven is, laote we nag in ut midde.
Ten achste: Dát deze prîns dit jaor ni nar hoes giët kroëpe gezeen de ligging óp de hei.
Ten niggende: Dát deze prîns dór de keuring ván de preensekomissie is gekome mit en prinses.
Ten tiende: Dát deze prîns as ie nag baeter zien best háj gedaon in zien jonge jaore, meschien wál mit Unnerstall, Post of Honda de kleure ván ut gael-zwárt háj verdedigt in Seacon Stadion de Koel.
Ten elfde: Dát beej deze prîns ze thoês ok wiëte wát carnaval viere is. Zoë zien pap en mam boorebroedspaar gewest en hebbe de twië breurs ál enne prîns beej moge staon as adjudant.
Nao ut veurlaeze ván dees elluf punte, is ut án ós de iër um óp 21 jannewari 2023 um ellef ovver half ellef oêt te rope as neeje prîns ván ut Meulewiekersriëk mit de volgende titels:
Hiërser ván de Americaanswaeg
Keuning ván ut festivalle
Baas ovver zien goude linkerbiën beej Volharding
Opperhoëfd ván kammerujgroep Ponyclub de Dolle Hoef
Twellingbroor ván Lange Jan oêt de Efteling
Már bóvenál ás 57ste Prîns ván ut Meulewiekersriëk
Prîns TEUN d’n Iërste
Mît zîen prinses Isa en adjudant Gido en adjudant Rick