Gehiël in ‘t thema “Leave in de Brouwereej” is op zondaag 29 jannewari in MFC de Meulewiek in de Miëterik ‘t neejje Boorebroedspaar oêt d’n brouwerskeatel tevurschien gekome.
Nick van Berlo & Tessa Driessen vorme dit joar ut Boorebroedspaar ván de Meulewiekers.
Fotograaf: Patrick Craenmehr
Ok de res ván ‘t Booregezelschap is toen oêt d’n brouwerskeatel gekome.
Dit joar bestiët ‘t Gezelschap oêt:
Vader ván de broed: Erik Brouwers
Mooder ván de broed: Steffie Wismans – Van den Bekerom
Vader ván de broedegom: Patrick Craenmehr
Zus ván de broedegom: Astrid Meijers – Classens
Burgemeister: John Geurts
Kwoajonges: Mark en Tom Houben
Ceremoniemeister: Wouter Hermans
Op carnavalsdeensdaag 21 fibberwari zal in de Miëterik de Boorebrulluft pláts vinge, ok in MFC de Meulewiek. Vaanaf 14.11 oor is iederiën ván hárte oêtgenuüjd um te kome kieke hoe Nick & Tessa daan in de onecht verbónge waere in ut beejzien ván ur Boorefemilie. En natuurlik mogde daan blieve um de Brulluft mej te viere.
Groete ván ‘t Boorebrulluftcomité Miëterik